Argh! Ang hirap naman! Sobrang kaunti lang ang napili ko para maging finalist sa Blinding Light Web Awards. Inis naman o. Ayaw ko kasing isama sa mga finalists yung sasama ang loob ko na pagbigyan ng award. Gets nyo?

Pero buti na lang, pumayag si Mudra na hindi ako sumama sa kanila sa probinsya para sa Undas. Mukhang gagabihin pa sila e at kanina pa akong bumibisita sa mga web sites ng mga sumali at hindi pa rin ako nakakapili. Hmph! Medyo kaunti lang ang mga nagugustuhan ko sa taong ito... A, basta. Makikita nyo na lang bukas kung ano ang napagdesisyunan ko.

Maiba naman akoh...

Ang hapdi ng mga labi ko. Grabeh! Feeling ko, ang kapal nila ngayon. Nasobrahan ata ako sa aircon at masyado silang nalamigan at nakalimutan ko pang mag Blistex.

Kanina pa itong butiking ito pagapang-gapang sa kwarto ko hah. Nakakinis na. Sarap tsinelasin.

Simula pala bukas, magtatrabaho na ako sa reception desk. Ako yung taga sabi sa mga empleyado, "Ser/Mam, pake pen lang po ang inyong ay-deh." Nyahahahahah! Ang saya, dabah?

Bago ang lahat, Gusto ko lang sabihin sa inyo na tapos na ang revamp ng Absolutely Precious. Kung may web site kayo, i-submit nyo ito para malista doon. Hindi nyo na kailangang mag link sa AP pero mabuti naman kung gagawin ninyo

Ngayon, sa aking komentaryo... Hay, nako. Ang dami talagang mga inggitera sa mundo. Marami akong nakikitang nagpo-post sa kanilang web site na meron daw mga kilalang may-ari ng web site na hindi karapat-dapat na maging sikat. Naiinis ako sa mga taong nagpo-post ng mga ganyan. Halatang-halatang wala silang alam. Mga ignorante!

Siyempre, kung sikat yung web site na iyon, dapat lang. Baket? Dahil meron silang ginagawang tama kaya binabalik-balikan sila ng kanilang mga bisita. Kung sumasama ang loob mo dahil pakiramdam mo mas dapat pumunta ang mga tao sayo pero hindi sila dumarating, sino ang may kasalanan non? Siguradong hindi yung mga sikat na "umaagaw" sa bisita mo kundi ikaw ang may problema dahil may mali kang ginagawa.

Imbes na magmukmok ka dahil walang pumapansin sa iyo, gumawa ka ng paraan para sila ang pumunta sa iyo! Ang akala mo ba ay walang kahirap-hirap na sumikat bigla ang mga web site na iyan? Ang mahirap kasi sa mga tao ngayon, may mga "Lucky Me" mentality. Ano ba ang "Lucky Me" mentality? Diba ang "Lucky Me" e brand ng instant noodles? Parang ganon ang mga taong may web site ngayon. Gusto nila, sikat sila agad.

Alam mo bang hindi na espesyal ang pagkakaroon ng web site? Siguro noon, nung mahal pa ang mga domain name at hosting matuturingang espesyal ka pero ngayon, napakamura na ng mga ganyan. Kahit bata meron na. Nabasa ko rin na bawat taon, milyong-milyong web site ang nagagawa. Ito lang ang masasabi ko sa inyo, sa dinami-dami ng mga web site sa mundo, higit pa sa mainit na tubig ang kakailanganin nyo para sumikat kayo sa internet. Walang "just add hot water" dito.

Itutuloy ang "Sikat!"...

Nakuuu! Gusto ko nang bunutin mga buhok ko sa uloh! Kakainis! Sinusubukan kong i-revamp ang Absolutely Precious. Sa lahat kasi ng mga site ko, iyon ang pinaka bulok pagdating sa coding. Paano ba naman kasi, 2003 ko pa iyon ginawa noong nagsisimula pa lang ako mag PHP at mySQL.

Buti nga, hindi siya masyadong kasikatan. Pumapatak ng 10 bisita ito araw-araw kaya walang nagkaka-interes na i-hack ito. Heheheh. Alam nyo bang hindi man lang ako gumagamit ng strip_tags don? Nyahahahahah!

Itutuloy ang "Revamp Chuva"...