Ayan. Opisyal na ito. Kinuha ko na si Rowell Rosell bilang aking personal trainer sa Fitness First. Hmph! Sana tiningnan ko ang kanyang body fat percentage gamit ang kanilang Tanita. Para naman makumpirma ko na credible talaga sya. Hrmmm... Sa susunod na lang naming pagkikita...

Ano nga ba ang Tanita? Yun yung makinaryang ginamit sa akin para malaman ang aking timbang, body fat %, at iba pa. Gusto ko ngang magkaroon non sa bahay kaya nagtingin ako sa paborito kong Amazon at ito ang natagpuan ko: Tanita BC533 Glass Innerscan Body Composition Monitor. May isang review na hindi ko nagustuhan kaya di ko na tinuloy ang pagbili nito. Hmph!

Hindi naman yun yung ginamit sa akin pero parehong brand. Subukan nyong bilhin tapos kwento nyo sa akin kung epektibo talaga

Balik tayo kay Rowell Rosell... Sinabihan ba naman nya akong, "You're my worst nightmare!" Tama ba yun? Yan ba ang dapat mong sabihin sa iyong kliyente? Huhuhu... Nasaktan ang feelings ko. Sensitibong tao pa man din ako. Huhuhu...

Tapos sabi ko pa sa kanya, hindi ako namo-motivate kung walang kasama mag-ehersisyo at kailangan ko ng ka-holding hands habang nagte-treadmill. Bwahahahah! At pumayag naman si Rowell Rosell! Seryoso ito hah. Pag hindi sya nakipag holding hands, iiyak akoh! I'll be soooo frickin' pissed! At, magsusulat din ako ng Dear Mr. Fitness First!

Isa pang pampagana sa akin ay mga libre. Hiningan ko sya ng water bottle bag at good morning towel na hindi nanlalagas, ayaw ba naman. Hmph! Ang maibibigay lang daw nyang libre sa akin ay isang oras na dagdag sa aming mga session. Hmph! Gusto ko ng good morning towel na pink!!!

Worst nightmare sya jan! Nakita mo na ba ang pfeys kong itoh?!? Paano ka babangungutin jan?!? Gusto pa akong ipasa sa ibang mga personal trainer! Hmph! I don't liiiike!!!! Hindi naman sa pagiging maldita ko *ahem*yun na nga yon*ahem* pero sino ba naman ang gugustuhing mag-ehersisyo kasama ang mga mukhang day-off at/o nambubugbog ng baklah?!? Syempre ayoko noh! Hmph!

At, para lang kay Rowell Rosell, nag-schedule ako ng araw na day off nya at oras na kailangan nyang pumasok ng mas maaga o umuwi ng mas gabi. Heheheh. Pasensya na. Don lang talaga ako available e...

Magkita na lang tayo sa Sabado, 6:30 ng gabi, Rowell Rosell. Wala naman akong galit sa iyo (pero ramdam kong malaki ang galit mo sa aken, tama bah?). Gusto ko lang talaga ng good morning towel na kulay pink at hindi nanlalagas!

Sa mga hindi nakakakilala sa aking asawa, eto sya: Trent Reznor.

good morning towel...hmmm...oo tama pilitin mong humingi nun tapos mag-sando kng puti at maong na pantalon o shorts at itali mo yung good morning towel sa ulo mo o isampay mo sa balikat at sumigaw ka nang..."monumento-divisoria onsehan lang maluwag pa sa bagong panganak, sakay na oh"

^ Eto naman! Ayaw kong agawan ka ng trabahoh!